الشوارما المعتمدة عندي وعند الأهل واللي أي وحدة تجربها عندي لازم تاخذ طريقتها مني ، جربوها
المقادير :
دجاجة مسلوقة ومفتتة
كرتونة ماجي دجاج اللي فيها حبتين
2أو 3بصلات مقطعة ناعم
خس مقطع صغير جدا
مخلل خيار مقطع صغير
طماط مقطع شرايح ناعمة
شوي زيت
ملح
ورق لف السندويش
خبز الحجم اللي صغير تفتحينه بالنص وتقطعينه مثلثات صغيرة يعني الخبزة الوحدة تصير 8 قطع
خلطة الصوص ( اللي بندهن فيه الخبز)
4ملاعق روب + 2 ملعقة طحينة + قطرات عصير ليمون + فص ثوم مهروس
الطريقة :
أول شي نحمر البصل شوي ثم نضيف الدجاج المفتت ونخليه دقايق يتحمر ويا البصل، نضيف مكعبين الماجي ونتم نحرك لحد ما يتغير شوي لون الدجاج ، وتتغير ريحته وطعمه وممكن نعدل الطعم بالملح ،،،
نفرش الخبزة المثلثة وندهنها بالصوص ، وبعدين نحط عليها الدجاج والخيار والطماط والخس (أهم شي ما تكثرين عشان السندويشة تطلع صغيرة وضعيفة ونلفها بورق لف السندويش) ،،،
قدميها بصحن التقديم بيكون حجمهم صغير ولذيذ ،،،
جربوها ما بتندموا
الأربعاء ديسمبر 10, 2008 3:33 am